"Qələbə qazanmaq istəyimiz yüksək idi və bunu bacardıq".

Prosport.Az xəbər verir ki, bunu "Abşeron"un baş məşqçisi Ərhan Tokər "Sərhədçi"yə qarşı Azərbaycan Basketbol Liqasının XII turunun oyunundan sonra deyib.

Türkiyəli mütəxəssis qalib gəldikləri görüş barədə danışıb: "Son bir neçə oyunda istədiyimizi edə bilmirdik. Qarşılaşmadan öncə basketbolçularla bu barədə danışığımız oldu. Bu gün oyunçularım hakimlərlə mübahisə etmədi. Qələbə qazanmaq istəyimiz çox yüksək idi və bunu bacardıq. Bu gün nəticə qazanmaqla bərabər, həm də yaxşı oyun nümayiş etdirdik. "Sərhədçi"yə də gözəl oyuna görə təşəkkür edirik".

Qeyd edək ki, "Sərhədçi" – "Abşeron" qarşılaşması qonaqların 85:79 hesablı qələbəsi ilə yekunlaşıb.