"Quba" komandasını təbrik edirəm. Yaxşı mübarizə apardılar".

Prosport.Az xəbər verir ki, bu sözləri "Şəki"nin baş məşqçisi Bedri Meriç Azərbaycan Basketbol Liqasının XI turunda "Quba" üzərində 78:56 hesablı qələbədən sonra klubun mətbuat xidmətinə açıqlamasında deyib.

Türkiyəli mütəxəssis bildirib ki, komandada ötən tur lider olmağın arxayınlığı vardı: "Açığı, mən belə olacağını gözləyirdim. Bu səbəbdən də fasiləyə 5 xal geridə yollandıq. Fasilədə müdafiəni düzəltmək üstündə uşaqlarla danışdım. Çünki bizim komandamızın əsas silahı yaxşı müdafiə olunmaqdır. 2-ci hissədə bunu etməyi bacardıq. Bu liqada yaxşı müdafiə olunduğumuz halda, hər bir komandanı məğlub edə biləcək gücdəyik. Ardıcıl 7-ci qələbəmizi qazandıq. Turnir cədvəlində yerimiz dəyişə bilər. Ancaq biz hər zaman öz oyunumuzu göstərməyə çalışacağıq".