Bu gün Azərbaycan Basketbol Liqasının B qrupunda "Gəncə" səfərdə "Lənkəran"ı 79:66 hesabı ilə məğlub edib.

Prosport.Az hər iki komandanın baş məşqçisinin fikirlərini təqdim edir:

Georgi Kondruseviç ("Lənkəran"): "Bizim üçün çox çətindir. Əvvəlki kimi rotasiya problemimiz var. Çoxlu səhvlərin səbəbi 5 oyunçunun uzun müddət meydanda olmasıdır. Səhvlər bizi aşağı doğru dartır. Bu gün biz ötən qarşılaşmalara nisbətən daha yaxşı oyun nümaiş etdirdik. Amma bu, qələbə üçün yetərli deyil. Bu qədər məğlubiyyətlər basketbolçuların psixoloji durumuna da mənfi təsir edir. Amma yenə də bunun obyektiv səbəbləri olduğunu deyəcəyəm. Ümid edirəm ki, 3-cü qələbəmizi Lənkəranda qazanacağıq".

Halil Atlı (“Gəncə”): “Oyunun 2-ci və 3-cü periodlarında yaxşı mübarizə apardıq. Rotasiya edib oynadıq. Rəqibimizi oyuna görə təbrik edirəm. Bu matç bizim üçün göstərici ola bilməz. Sondan əvvəlki dövrənin ilk görüşü idi. Qarşıda daha 9 oyun var. Çatışmazlıqları aradan qaldırıb mübarizəni ən yaxşı şəkildə davam etdirmək üçün əlimizdən gələni edəcəyik".