Azərbaycan Basketbol Liqasının IX turunun təxirə salınmış oyununda "Naxçıvan" qələbə qazanıb.

Prosport.Az xəbər verir ki, Bakı İdman Sarayında baş tutan matçda Murat Dikmənin rəhbərlik etdiyi kollektiv "Abşeron"u 102:82 hesabı ilə üstələyib.

Bununla da "Naxçıvan" "Sabah"ı keçərək A qrupunda lider olub. Hər iki komandanın aktibində 18 xal var. Şəxsi oyunlara əsasən "Naxçıvan" öndədir.

Qeyd edək ki, B qrupunun təxirə salınmış matçları sabah reallaşacaq. "Şəki" – "Gəncə" görüşü saat 14:00-da Şəki Olimpiya İdman Kompleksində start götürəcək. "Sumqayıt" – "Quba" qarşılaşması isə saat 19:00-da Sumqayıt Olimpiya İdman Kompleksində başlayacaq.

Hər iki oyun dekabrın 26-da Azərbaycanda məlum təyyarə qəzası ilə bağlı Matəm Günü elan olunduğu üçün təxirə salınmışdı.