Azərbaycan Basketbol Liqasının X turunda "Gəncə" "Sumqayıt"a qalib gəlib.

Prosport.Az xəbər verir ki, turun son oyununda Qərb təmsilçisi 98:79 hesablı qələbəyə sevinib.

B qrupunun matçı Gəncə İdman Sarayında baş tutub.

Qeyd edək ki, X turun əvvəlki qarşılaşmalarında "Neftçi" "Abşeron"u 84:76, "Naxçıvan" "Sabah"ı 80:75, "Sərhədçi" NTD-ni 78:64, "Şəki" "Lənkəran"ı 111:82, "Ordu" isə "Quba"nı 81:74 hesabı ilə məğlub edib.

Bununla da II dövrə başa çatıb. Geridə qalmış 2 dövrədən sonra A qrupuna "Sabah", B qrupuna isə "Gəncə"dən 1 oyun artıq keçirmiş "Ordu" klubu liderlik edir.