Azərbaycan Basketbol Liqasının X turunda “Şəki” səfərdə “Lənkəran”ı məğlub edib.

Prosport.Az xəbər verir ki, B qrupunun Lənkəran Olimpiya İdman Kompleksində baş tutan matçı gözlənildiyi kimi qonaqların qələbəsi ilə yekunlaşıb – 111:82.

2025-ci ilə qələbə ilə başlayan Bedri Meriçin yetirmələri ardıcıl 4-cü səfər oyunundan da qalib ayrılıb. Komanda artıq ardıcıl 5 matçdır ki, qalib gəlir. I dövrədə "Şəki" öz meydanında "Lənkəran"ı 25 xal fərqlə məğlub etmişdi (89:64).

Qeyd edək ki, bu gün B qrupunda daha bir matç oynanılacaq. "Ordu" "Quba" ilə üz-üzə gələcək. "Sərhədçi" İdman Mərkəzində baş tutacaq görüşün start fiti saat 16:30-da səsləndiriləcək.

Turun daha əvvəl keçirilən görüşlərində “Neftçi” "Abşeron"u 84:76, “Naxçıvan” “Sabahı” 80:75, “Sərhədçi” NTD-ni 78:64 hesabı ilə məğlub edib. X tura sabah Gəncə İdman Sarayında oynanılacaq B qrupunun "Gəncə" – "Sumqayıt" matçı ilə yekun vurulacaq.