Azərbaycan Basketbol Liqasında mübarizə aparan "Abşeron" klubuna yeni məşqçi təyin olunub.

Prosport.Az-ın xəbərinə görə, baş məşqçi Ərhan Tokərin oğlu Utkan Tokər məşqçi qismində atasına kömək edəcək.

Utkan Tokər ölkəmizdə keçirilən məşqçilərin sertifikasiya kurslarını uğurla tamamlayıb və C kateqoriyasına yiyələnib.

Qeyd edək ki, əvvəlki köməkçi məşqçi Daviti Çivçivadze komandadan ayrılaraq "Neftçi"yə keçib. Gürcü çalışdırıcı həmin komandaya köməkçi məşqçi kimi təyin olunsa da, baş məşqçi səlahiyyətlərini də icra edəcək.