Bakı İdman Sarayında 10 min manat tapılıb.

Prosport.Az-ın xəbərinə görə, hadisə dünən Türkiyənin "Petkimspor" (İzmir) və İsrailin "Hapoel" (Holon) komandaları arasında keçirilən Çempionlar Liqasının pley-in matçı zamanı baş verib.

Polis əməkdaşlarının tapdığı pulun tezliklə sahibi bəlli olub. Həmin vəsait tam həcmdə aktlaşdırılaraq Səbail Rayon Mühafizə İdarəsinin əməkdaşları tərəfindən sahibinə qaytarılıb.

Deyilənə görə, həmin pul vəsaiti bir neçə şəxsin əməkhaqqı məvacibi olub.

Qeyd edək ki, Türkiyə – İsrail münasibətlərinə görə neytral meydanda keçirilən sözügedən matç İzmir təmsilçisinin 82:81 hesablı qələbəsi ilə başa çatıb. Tərəflər arasında cavab matçı yanvarın 14-də Macarıstanda olacaq. İsrail komandası qalib gələrsə, yanvarın 22-də həlledici matç da Bakıda keçiriləcək.