Sports.az saytının təşkilatçılığı, Etopaz-ın baş sponsorluğu və "Şah klub"un dəstəyilə media nümayəndələri arasında şahmat üzrə I "Həmrəylik kuboku" baş tutub.

Prosport.Az xəbər verir ki, 31 dekabr – Dünya Azərbaycanlılarının Həmrəyliyi Günü və Yeni İl münasibətilə onlayn formatda təşkil olunmuş turnir 9 turdan ibarət dairəvi sistemlə keçirilib.

Gərgin və maraqlı mübarizə şəraitində keçirilən yarışda yekunda 8 xalla İctimai Radionun aparıcısı Əhməd Əliyev çempion olub.

2-ci yeri 6,5 xalla ATV-nin tanınmış aparıcısı İlkin Fikrətoğlu, 3-cü yeri isə 6 xalla Azərbaycan Kanoe və Avarçəkmə Federasiyasının media departamentindən Emil Əliyarlı tutub.

Prosport.Az-ın baş redektoru Səbuhi Musanın da çıxış etdiyi turnirdə qaliblərə və bütün iştirakçılara Etopazın pul mükafatları təqdim olunub.