Azərbaycan Basketbol Liqasının IX turunun "Naxçıvan" – "Abşeron" oyunu da təxirə salınıb.

Prosport.Az-ın xəbərinə görə, dekabrın 27-də "Sərhədçi" İdman Mərkəzində baş tutmalı görüş matəm gününə düşməsə də, həmin görüşün də təxirə salınması barədə qərar qəbul edilib.

Qeyd edək ki, bu matç, eləcə də sabah baş tutmalı olan "Şəki" – "Gəncə" və "Sumqayıt" – "Quba" görüşləri 2025-ci ilin əvvəlində keçiriləcək.

16:00

Azərbaycan Basketbol Liqasının IX turunun sabah keçiriləcək görüşləri təxirə salınıb.

Prosport.Az-a Basketbol Federasiyasının baş katibi Vüqar Əzimovun verdiyi məlumata görə, sabah baş tutacaq "Şəki" – "Gəncə" və "Sumqayıt" – "Quba" görüşləri keçirilməyəcək. Bu matçların 2025-ci ilin əvvəlində keçiriləcəyi gözlənilir.

Həmçinin, bu gün keçiriləcək "Ordu" – "Lənkəran" və "Neftçi" – "Sərhədçi" görüşləri, eləcə də dekabrın 27-də baş tutacaq "Naxçıvan" – "Abşeron" oyunu 1 dəqiqəlik sükutla başlayacaq. Bu oyunlar zamanı musiqi səslənməyəcək, dəstək qızlarının çıxışı olmayacaq.

Qeyd edək ki, Azərbaycan Respublikası Prezidenti İlham Əliyevin Sərəncamına əsasən sabah ölkədə matəm elan edilib.