Gənclər və İdman Nazirliyinin sabah "Buta Palas"da ilin idman yekunları ilə bağlı keçiriləcək tədbiri təxirə salınıb.

Prosport.Az-ın əldə etdiyi xəbərə görə, tədbirin yanvarın 9-da keçirilməsi qərara alınıb.

Təxirəsalma bu gün Bakı-Qroznı reysinin Qazaxıstanın Aktau şəhəri yaxınlığında qəzaya düşməsi, ölən və yaralananların olması ilə bağlıdır.

Qeyd edək ki, bu gün Azərbaycan Gimnastika Federasiyasının Milli Gimnastika Arenasında keçirməli olduğu ilin yekunları ilə bağlı tədbiri də qəza səbəbindən təxirə salınıb. Ölkədə matəm elan olunacağı gözlənilir.