"NTD uduza bilər, amma heç vaxt təslim olmur".

Prosport.Az xəbər verir ki, bunu NTD-nin baş məşqçisi Tahir Baxşıyev "Sabah"a qarşı Azərbaycan Basketbol Liqasının IX turunun oyunundan sonra deyib.

Təcrübəli mütəxəssis məğlubiyyətə görə üzgün olduqlarını bildirib: “Komandanın heyəti gənclərdən təşkil olunub. Daha əvvəl rəhbərliklə birgə bizi hansı nəticələrin gözlədiyini bilirdik. Son 3 oyunu Əkbər Məmmədov zədə səbəbindən buraxdı. O bizim üçün çox böyük qüvvədir. Mövsümün başlanğıcında Əkbər Məmmədovun bizə xeyir verəcəyini ümid edirdik. Təəssüf ki, zədələndi. Onun mövqeyi elədir ki, bütün oyun sistemimizi dəyişir".

Mütəxəssis yanvarda komandada dəyişikliklərin olacağını söyləyib: "Hansı oyunçuların komandanı tərk edib, hansılarının qalacağını indidən deyə bilmərəm. Azarkeşlərimiz ruhdan düşməsin. Biz qayıdacağıq və yaxın zamanda hamı bunu görəcək”.

Qeyd edək ki, NTD – "Sabah" qarşılaşması "bayquşlar"ın 94:67 hesablı qələbəsi ilə yekunlaşıb.