Azərbaycan Basketbol Liqasının VIII turunda daha 1 görüş keçirilib.

Prosport.Az xəbər verir ki, B qrupunda "Lənkəran" evdə "Quba" ilə qarşılaşıb.

Lənkəran Olimpiya İdman Kompleksində baş tutan görüş qonaqların 89:60 hesablı qələbəsi ilə yekunlaşıb.

Qeyd edək ki, bu gün A qrupunda keçirilən "Sabah" – "Abşeron" qarşılaşması Rimas Kurtinaytisin rəhbərlik etdiyi komandanın 94:71 hesablı qələbəsi ilə yekunlaşıb. Bu qrupun dünən baş tutan “Neftçi” – NTD görüşündə isə "ağ-qaralar" qələbə qazanıb – 81:68. Tura sabah B qrupunda keçiriləcək “Gəncə” – “Ordu” və “Sumqayıt” – “Şəki” matçları ilə yekun vurulacaq.