"Komanda ilk yarımhissədə oyuna çox hazırlıqlı idi. Həm hücum, həm də müdafiə qaydasında idi".

Prosport.Az xəbər verir ki, bu sözləri "Neftçi" komandasının baş məşqçisi Ümid Nicat NTD ilə keçirilmiş oyundan (81:68) sonra klubun mətbuat xidmətinə açıqlamasında deyib.  

Mütəxəssis 2-ci hissənin başlanğıcında müdafiə və hücumda problem yaşadıqlarını bildirib: "Top itkilərimiz oldu və rəqib komanda da çox yaxşı hücumlar təşkil etdi. Ancaq oyunun sonuna doğru yenidən nəzarəti ələ aldıq və qələbə qazandıq".

O, "Sərhədçi"yə qarşı keçirəcəkləri növbəti oyuna da toxunub: "Sabahdan (bu gündən) həmin görüşün hazırlıqlarına başlayacağıq. Ümid edirəm ki, zamanla çatışmazlıqları aradan qaldıracaq və daha yaxşı oyun sərgiləyəcəyik".