Azərbaycan Basketbol Liqasının VII turunun bağlanış mərasimində "Abşeron" "Sərhədçi"yə öz meydanında 71:68 qalib gəlib.

Prosport.Az oyundan sonra hər iki komandanın türkiyəli baş məşqçisinin fikirlərini təqdim edir:

Ərhan Tokər ("Abşeron"): "Əslində, göstərdiyimiz oyundan daha yaxşısına layiqik. Daha öncəki NTD və "Neftçi" matçlarını istədiyimiz kimi oynamışdıq. İlk 3 period çox pis oynadıq. Son periodda əzmkarlıq göstərdik. Qazanmaq istəyirdik və bunu bacardıq. Biz ilk "3-lük"də olmaq istəyirik. Mövsümün əvvəlində iddialı komanda kimi göstərilmirdik, amma öz aramızda danışarkən daha yuxarı pillələrdə olacağımıza inanırdıq. Bu da bizə motivasiya verən əsas amillərdən biridir".

Evrən Alkaya ("Sərhədçi"): “Oyuna çox pis başladıq. Bütün matç ərzində də pis startın əziyyətini çəkdik, onunla məşğul olduq. 2-ci hissədə komanda özünə gəldi, matçı bərabərləşdirdik. 3-cü periodda hətta hesabda önə keçdik, 10 xallıq fərq yaratdıq. Amma təəssüf ki, oyunçularımız istənilən keyfiyyətdə oynamır, müdafiədə düşündüyümüz kimi çıxış etmir. 4+1 sistemində 7-8 xal geridən gəlib matç qazanmaq olar. Ötürmələrdə çox səhvə yol verdik. Hər mövqedə 1 səhv etdik, hamısında çətinlik çəkdik. Amma hər şeydən əvvəl oyunçuların da, bizim də qələbəyə inanmağımız lazımdır. Son 2 matçda oyun bitənə yaxın uduzuruq, son atışlara qədər gəlirik. Komandanın keyfiyyəti bəllidir. Gərəkli şeyləri edib yaxşı oyun göstərməyə, komandanı lazımi yerlərə çıxarmağa çalışacağıq”.