Azərbaycan Basketbol Liqasının VI turunun bağlanış oyununda B qrupunda "Şəki" səfərdə “Quba”nı məğlub edib.

Prosport.Az xəbər verir ki, Quba Olimpiya İdman Kompleksində dolu tribunalar önündə keçirilən matçda da ilk dövrədə olduğu kimi Şəki komandası qalib gəlib. Matç qonaqların 90:68 hesablı qələbəsi ilə yekunlaşıb.

Oyunu Azərbaycan Basketbol Federasiyasının prezidenti, elm və təhsil naziri Emin Əmrullayev, o cümlədən gənclər və idman naziri Fərid Qayıbov, Həndbol Federasiyasının prezidenti, Avtomobil Yolları Dövlət Agentliyinin İdarə Heyətinin sədri Saleh Məmmədov və Quba Rayon İcra Hakimiyyətinin başçısı İlqar Mahmudov izləyib.

Bu matçda "Şəki"nin amerikalı kapitanı Aleks Koldvell 42 xal, 7 ribaund, 4 assistlə MVP seçilb. 25 yaşlı basketbolçu cari mövsüm 42 xal toplamaqla mövsümün rekorduna nail olub.

Qeyd edək ki, əvvəlki qarşılaşmalarda "Naxçıvan" "Neftçi"ni (83:72), "Sabah" "Sərhədçi"ni (67:64), "Ordu" "Sumqayıt"ı (115:81), "Gəncə" "Lənkəran"ı (94:66), "Abşeron" isə NTD-ni (89:75) məğlub edib.