“Əslində çox asan qələbə qazanacağımızı demək olardı. Əgər sonuncu period olmasaydı. Çünki biz 35 dəqiqə ərzində əla oyun göstərdik".

Prosport.Az xəbər verir ki, bunu “Ordu” basketbol klubunun baş məşqçisi Alberto Blanko deyib.

İspaniyalı məşqçi Azərbaycan Basketbol Liqasının VI turu çərçivəsində “Sumqayıt”a 115:81 hesabı ilə qalib gəldikdən sonra fikirlərini bildirib: "Hücumda yüksək temp saxlayıb, yaxşı müdafiə olunurduq. Ancaq son 5 dəqiqəni çox zəif oynadıq. Həmin vaxt oyunçularım meydanda nə etdiklərini bilmirdi. Bütün bunlara baxmayaraq, mən komandamı təbrik edirəm. Çalışmalıyıq ki, oyunda son saniyələrə qədər eyni tempi saxlayaq. Bunun üçün hələ çox çalışmalıyıq”.