“Oyunçularım ilk hissədə çox yaxşı oynadı. Müdafiə çox yaxşı idi, rəqibin hücumlarının qarşısını aldılar. Həmçinin, sürətli hücumlarımız oldu".

Prosport.Az-ın məlumatına görə, bunu "Sərhədçi" basketbol komandasının baş məşqçisi Evrən Alkaya deyib.

Türkiyəli məşqçi Azərbaycan Basketbol Liqasının VI turunda "Sabah"a 64:67 uduzmasının səbəbini açıqlayıb: "2-ci hissədə, təssüf ki, oyunçularım rahat davrandı. Belə olduqda rəqibə şans vermiş olduq. Hakimliklə bağlı səhvlər də var idi. Çox mübarizə apardıq, istəməzdik nəticə belə olsun. Amma əfsuslar olsun ki, belə bitdi. Son dəqiqələrdə etdiyimiz səhvlər buna səbəb oldu. Çətin matç idi, amma bu bizi ayağa qaldıracaq. Yaxşı oynadıq. Rəqibi də təbrik edirəm. Çalışacağıq daha yaxşı oyun göstərək”.