"Rəqibi təbrik edirəm, oyunun sonuna kimi mübarizə apardılar. Geri çəkilmədilər".

Prosport.Az xəbər verir ki, bunu "Gəncə" basketbol klubunun baş məşqçisi Halil Atlı deyib.

O, Azərbaycan Basketbol Liqasının V turu çərçivəsində "Sumqayıt"a 79:85 hesabı ilə uduzduqları oyundan sonra fikirlərini bölüşüb: "Böyük fasiləyə kimi istədiyimiz şəkildə oynadıq, xallar yığdıq. Amma çox da top itirdik. Bundan da sanki rəqibə enerji ötürdük. 22 dəfə topu rəqibə verdik. Oyunun sonunu gətirə bilmədik. İlk dövrəni tamamladıq, II dövrə başlayacaq. Bu matçdan dərs almalıyıq, çatışmazlıqları aradan qaldırmalıyıq, hazırlaşmalıyıq".