"Son oyunda çox uğursuz çıxş etdik. Meydanda lazımı oyunu göstərə bilmədik".

Prosport.Az bunu "Ordu"nun basketbolçusu İsaya Poup klubun mətbuat xidmətinə açıqlamasında deyib.

O, "Quba"ya uduzduqları (75:101) Azərbaycan Basketbol Liqasının IV tur matçı ilə bağlı danışıb: "Bəzən belə hallar olur ki, ciddi səhvlərə yol verirsən və həmin səhvlər də matçın taleyini həll edir. Ancaq çempionat hələ qabaqdadır. Bu səhvlərdən nəticə çıxarıb daha yaxşı oynamalıyıq".

Basketbolçu “Sumqayıt”la qarşıdakı oyuna da toxunub: "Həmin matçda bütün gücümüzü qoymalıyıq ki, qalib gələk. Fikrimcə, qarşılaşma bizim üçün çox önəmli olacaq. “Quba”ya məğlubiyyəti yaddan çıxarıb bütün diqqəti həmin oyuna yönəltməliyik".