Azərbaycan Basketbol Liqasında V turun daha bir oyunu keçirilib

Prosport.Az xəbər verir ki, ölkə çempionu "Sabah" "Naxçıvan"la üz-üzə gəlib.

Qarşılaşma paytaxt klubunun qələbəsi ilə bitib – 75:74. Bu, "Naxçıvan"ın cari mövsümdə ilk məğlubiyyəti olub.

A qrupunda xallarının sayını 10-a çatdıran "Sabah" vahid lider olub. Naxçıvan təmsilçisi 9 xalla 2-ci pillədə qərarlaşıb.

Qeyd edək ki, turun əvvəlki üç matçında "Quba" "Ordu"ya (101:75), "Sərhədçi" NTD-yə (84:79), "Abşeron" "Neftçi"yə (72:56) qalib gəlib. "Sumqayıt" – "Gəncə" görüşü sabah, "Şəki" – "Lənkəran" oyunu isə dekabrın 8-də baş tutacaq.