Belarusun ilk Milli Olimpiya Komitəsinin prezidenti, idman və turizm naziri Vladimir Rıjenkovun xatirəsinə Minskdə təşkil olunacaq basketbol üzrə 27-ci beynəlxalq turnirdə 16 yaşadək millilərimizin (U-16) yarış cədvəli bəlli olub.

Prosport.Az xəbər verir ki, yarışda oğlanlarda Azərbaycan, Belarus, Qırğızıstan milliləri, Krasnodar "Lokomotiv-Kuban"ı (Rusiya), qızlarda Azərbaycan, Belarus yığmaları, o cümlədən Rusiyanın "Samara" (13№-li Olimpiya Ehtiyatları İdman Məktəbi) və "Mıtişşi" (OEİM) komandaları mübarizə aparacaq.

Turnirin ən yaxşı oyunçularına Belarus Basketbol Federasiyasının fərdi sifarişi ilə "Neman" şüşə zavodunda hazırlanmış xüsusi xatirə mükafatı təqdim olunacaq. 

Millilərimiz turnirdə debütü yerli yığmaya qarşı keçirəcək. Sabah Bakı vaxtı ilə saat 20:15-də açılış mərasimi olacaq. Bakı vaxtı ilə oyun cədvəlini təqdim edirik:

6 dekabr
18:30 Belarus – Azərbaycan (qızlar)
21:00 Belarus – Azərbaycan (oğlanlar)

7 dekabr
13:00 Azərbaycan – Samara 13№-li OEİM (qızlar)
15:15 Azərbaycan – "Lokomotiv-Kuban" (oğlanlar)

8 dekabr
09:30 Azərbaycan – Mıtişşi OEİM (qızlar)
11:45 Azərbaycan – Qırğızıstan (oğlanlar)

Belarus komandalarının iştirakı ilə keçiriləcək oyunlar "Belarus 5" və "Belarus 5. İnternet" telekanalları vasitəsilə canlı göstəriləcək.  

21:21

Azərbaycanın yeniyetmə oğlan və qızlardan ibarət U-16 basketbol milliləri Belarusun paytaxtı Minskə yollanıb.

Prosport.Az xəbər verir ki, yığmalarımız sözügedən ölkədə Vladimir Rıjenkovun xatirəsinə həsr olunan XXVII beynəlxalq turnirdə iştirak edəcək.

Qeyd edək ki, yarış dekabrın 6-dan 8-dək keçiriləcək.