Şimali Makedoniyanın paytaxtı Skopyedə keçiriləcək rapid və blits üzrə Avropa çempionatında Azərbaycanı təmsil edəcək şahmatçılar bəlli olub.

Prosport.Az xəbər verir ki, yarışda yığmanın 4 üzvü mübarizə aparacaq.

Bunlar Eltac Səfərli, Rauf Məmmədov, Namiq Quliyev və Məhəmməd Muradlıdır. Komandamızın aparıcı üzvləri – Şəhriyar Məmmədyarovla Teymur Rəcəbov bu yarışda olmayacaq.

Qeyd edək ki, Avropa çempionatı dekabrın 6-dan 11-dək təşkil olunacaq.