Bu gün V turun 2-ci matçında NTD "Sərhədçi"yə 79:84 hesabı ilə uduzub.

Prosport.Az qarşılaşmadan sonra oyunla bağlı baş məşqçilərin fikirlərini təqdim edir:

Tahir Baxşıyev (NTD): "Biz həm bu oyunda, həm də “Naxçıvan” və “Abşeron”la qarşılaşmalarda qələbəyə yaxın idik. Təəssüf ki, sona qədər mübarizəni davam etdirə bilmirik. Bəlkə bu, fiziki problemdir. 35 dəqiqə hesabda irəlidə ola bilirik, amma sonradan gücümüz və təcrübəmiz çatmır. Bunun üzərində işləyəcəyik. İlk dövrə başa çatdı. İndi digər komandaların güclü və zəif tərəflərini yaxşı bilirik. II dövrə daha çətin olacaq, lakin bu məğlubiyyətlərdən düzgün nəticələr çıxaracağımıza inanıram. Bu komandaya inanıram və onların bacardıqlarının ən yaxşısını edəcəyini bilirəm".

Evrən Alkaya ("Sərhədçi"): “Çox çətin matç oldu və belə olacağını bilirdik. NTD üçün də vacib oyun idi. Biz də qısa zamanda hazırlaşmağa çalışmışdıq. Çünki 2 gün öncə “Neftçi” üzərində qələbə qazandıq. 2-3 gün içində matç oynamaq komandaya təsir etdi. Matça çox yorğun çıxdıq. İlk hissədə də bunun nəticəsini gördük. Qarşı tərəfin daha enerjili olması nəticədə özünü göstərdi, hesabda geri düşdük. Oyunçularla danışdıq və məşqçi heyətimizin dəstəyi ilə oyunda qalib gəldik. Yaxşı müdafiə olunduq, yeni oyunçumuzun atışları da bizə kömək etdi. Bütün komandanı bu qalibiyyət münasibətilə təbrik edirəm. Önəmli olan qələbədir. Hər kəsti təbrik edirəm”.