"Gəncə" Azərbaycan Basketbol Liqasında növbəti qələbəsini qazanıb.

Prosport.Az xəbər verir ki, Halil Atlının baş məşqçisi olduğu kollektiv IV turda "Şəki"ni qəbul edib.

Böyük fasiləyə Bedri Meriçin komandası 15 xal fərqlə öndə getsə də, 2 aparıcı oyunçusu – Karl Cons və kapitan Kris Bartonun zədələnməsi matçın nəticəsinə təsir edib. Nəticədə matç meydan sahiblərinin 78:75 hesablı qələbəsi ilə yekunlaşıb.

Gəncə təmsilçisi A qrupunda 8 xalla liderdir. 6 xalı olan "Şəki" 3-cü yerdə qərarlaşıb.

Günün ilk oyununda isə "Sərhədçi" "Neftçi"ni məğlub edib – 84:77.

Qeyd edək ki, IV turun əvvəlki matçlarında "Naxçıvan" "Abşeron"u (72:68), "Ordu" "Lənkəran"ı (92:55), "Sabah" NTD-ni (110:86), "Quba" isə "Sumqayıt"ı (97:83) məğlub edib.