Azərbaycanın kişi həndbolçulardan ibarət “Kür” komandası Avropa Kubokunun III mərhələsində bu gün İslandiya təmsilçisi “Höykar”la cavab matçına çıxıb.

Prosport.Az xəbər verir ki, qarşılaşma “Kür” Olimpiya İdman-Tədris Mərkəzində təşkil olunub.

Moldovalı hakimlər Dorian Sirbu və Viktor Serdyukun idarə etdiyi görüş rəqibin 38:27 hesablı qələbəsi ilə yekunlaşıb. Beləliklə, "Kür" Avropa Kubokunda mübarizəni dayandırıb.

Qeyd edək ki, İslandiya təmsilçisi ötən gün baş tutan ilk oyundan da qalib ayrılmışdı – 30:25.

Bununla da Azərbaycan həndbolu üçün avrokubok mövsümü yenidən erkən başa çatıb.