Kişi həndbolçulardan ibarət “Kür” komandası bu gün Avropa Kubokunda növbəti oyununu keçirəcək.

Prosport.Az xəbər verir ki, Mingəçevir təmsilçisi 1/16 final mərhələsinin ilk matçında İslandiyanın “Höykar” komandası ilə qarşılaşacaq.

Mingəçevirdəki “Kür” Olimpiya İdman-Tədris Mərkəzində oynanılacaq qarşılaşma saat 17:00-da başlayacaq. Matçı Moldovadan olan referilər – Dorian Sirbu və Viktor Serdyuk idarə edəcək. Görüşün EHF (Avropa Həndbol Federasiyası) nümayəndəsi isə türkiyəli Kənan Gökmən olacaq.

Qeyd edək ki, komandalar arasında hər iki oyun Mingəçevirdə keçiriləcək. Bu gün oynanılacaq ilk matçda “Höykar”, sabah təşkil ediləcək cavab görüşündə isə “Kür” meydan sahibi olacaq.