Azərbaycan Basketbol Liqasının IV turunda B qrupunda "Sumqayıt" səfərdə "Quba"ya məğlub olub.

Prosport.Az xəbər verir ki, Quba Olimpiya İdman Kompleksində keçirilən qarşılaşma meydan sahiblərinin 97:83 hesablı qələbəsi ilə yekunlaşıb.

Günün ilk matçında isə son çempion "Sabah" bürünc medalçı NTD-dən üstün olub – 110:86.

10:19

Azərbaycan Basketbol Liqasının IV turunda bu gün daha 2 oyun keçiriləcək.

Prosport.Az xəbər verir ki, A qrupunda "Sabah" evdə NTD-ni qəbul edəcək. Abşeron Olimpiya İdman Kompleksində baş tutacaq oyuna saat 12:30-da start veriləcək.

"Sabah" hazırda A qrupunda 6 xalla 2-ci yerdə qərarlaşıb. 4 xala malik NTD isə 4-cüdür.

B qrupunda "Sumqayıt" səfərdə "Quba"nın qonağı olacaq. Quba Olimpiya İdman Kompleksində keçiriləcək qarşılaşmanın start fiti saat 17:30-da səsləndiriləcək. "Quba" klubu hazırda 3 xalla 5-ci yerdədir. Eyni xala malik "Sumqayıt" isə sonuncu – 6-cı pillədədir.

Qeyd edək ki, IV turun noyabrın 26-da keçirilmiş "Abşeron" – "Naxçıvan" oyunu 1-cilərin məğlubiyyəti ilə yekunlaşmışdı – 72:68. Ötən gün isə "Ordu" klubu səfərdə "Lənkəran"ı məğlub edib – 92:55. Turun digər matçları sabah baş tutacaq.