“Ordu” klubunun baş məşqçisi Alberto Blanko “Lənkəran”la oyundan sonra klubun mətbuat xidmətinə açıqlama verib.

Prosport.Az xəbər verir ki, mütəxəssis bu matçın komandası üçün çox önəmli olduğunu bildirib:

"Çünki III turda “Gəncə”yə məğlubiyyətdən sonra komandanın əhval-ruhiyyəsi korlanmışdı. Bu oyuna dönüş nöqtəsi kimi baxırdıq. Görüşə çox yaxşı başladıq. İlk periodda üstünlük qazandıq. Oyunçular topla çox yaxşı davranır, çox qaçır, hərəkət edirdilər. Ancaq ikinci periodda bir qədər arxayınlaşdılar. Sonrakı hissələrdə isə üstünlüyü tərəfimizdə saxladıq və layiqli qələbə qazandıq. Komandamı təbrik edirəm. Sonrakı görüşlərdə bu tempdə davam etsək, istədiyimiz nəticələri əldə edəcəyik”.

Qeyd edək ki, görüş "Ordu"nun 92:55 hesablı qələbəsi ilə yekunlaşıb.