Xəbər verdiyimiz ki, Naxçıvan Şahmat Federasiyası ləğv edilib. 

Prosport.Az xəbər verir ki, Gənclər və İdman Nazirliyi bu barədə açıqlama yayıb. Nazirliyin ictimaiyyətlə əlaqələr şöbəsinin yaydığı açıqlamada federasiyanın öz qərarı ilə ləğv edildiyi bildirilib: 

"Naxçıvan Muxtar Respublikasında mövcud Şahmat Federasiyasının öz qərarı ilə ləğv edilməsi barədə məlumat Gənclər və İdman Nazirliyinə də daxil olub. Bildiririk ki, ölkə ərazisində Gənclər və İdman Nazirliyi tərəfindən akkreditasiya olunmuş Azərbaycan Şahmat Federasiyası fəaliyyət göstərir. Bu federasiya gələcəkdə də ölkəmizin digər bölgələrində olduğu kimi, Naxçıvanda da şahmatın davamlı inkişafı üçün müvafiq işlər görəcək”.

Qeyd edək ki, Naxçıvan Şahmat Federasiyası ötən gündən fəaliyyətini dayandırıb. Federasiyanın rəhbəri Naxçıvan Ali Məclisinin keçmiş sədri Vasif Talıbovun oğlu Seymur Talıbov idi. Seymur Talıbov həm də 2019-cu ilin mayından Azərbaycan Şahmat Federasiyasının vitse-prezidentidir.