Bu gün Azərbaycan Basketbol Liqasında (ABL) IV turun açılış oyunu baş tutub.

Prosport.Az xəbər verir ki, Abşeron Olimpiya İdman Kompleksində keçirilən görüşdə "Abşeron" və "Naxçıvan" klubları üz-üzə gəlib.

Oyunun əvvələrində hesabda geri olan "Naxçıvan" klubu sonuncu dövrədə geri dönüş etməyi bacarıb və 72:68 hesabı ilə qalib gəlib. Bununla da Naxçıvan təmsilçisi ardıcıl 4-cü qələbəsini qazanaraq, A qrupunda liderliyə yüksəlib.

Qeyd edək ki, IV turun digər oyunları ("Lənkəran" – "Ordu", "Sabah" – NTD, "Quba" – "Sumqayıt", "Sərhədçi" – "Neftçi", "Gəncə" – "Şəki") 29, 30 noyabr və 1 dekabr tarixlərində baş tutacaq.