Azərbaycan televiziya tarixində bir ilk gerçəkləşəcək.

Prosport.Az xəbər verir ki, “İdman TV” kanalı basketbol üzrə Avroliqa turnirini yayımlayacaq. Bu barədə kanalın sosial şəbəkə hesabında məlumat verilib.

“İdman TV” ölkəmizdə basketbol üzrə Avroliqa turnirinin eksklüziv yayım hüququna yiyələnib. Bu həftədən etibarən basketbol azarkeşləri Avropanın ən nüfuzlu turnirini izləyə biləcəklər.

Hər tur istənilən sayda oyunun yayımlanması hüququ var. Proqrama uyğun olaraq telekanal maksimum sayda oyunları canlı yayımlamağa çalışacaq.