"Neftçi" basketbol komandası heyətini daha 3 oyunçu ilə gücləndirib. 

Prosport.Az-ın əldə etdiyi xəbərə görə, amerikalılar – Marvin Ceferson, Pat Beykon və Vante Hendriks ilə mövsümün sonunadək rəsmi müqavilə imzalanıb.

38 yaşlı Marvin Ceferson əvvəllər Kipr, Fransa, İsrail, Kosovo, Meksika, Polşa, Ukrayna və Uruqvayda legioner karyerası yaşayıb. O, son olaraq Türkiyənin "Kapaklıspor" komandasında çıxış edib.

27 yaşlı, tam adı Patrik Beykon olan basketbolçu əvvəllər Kolumbiya, Meksika və Uruqvayda legioner qismində oynayıb. O, ötən mövsüm Albaniyada "Teuta" komandasının şərəfini qoruyub.

26 yaşlı Vante Hendriks isə Portuqaliya və Qazaxıstanda çıxış edib. Onun son komandası Qazaxıstanın "Aktobe" komandası olub.

Qeyd edək ki, mübarizə apardığı Azərbayacan Basketbol Liqasının A qrupunda sonuncu olan "Neftçi" bu ay 4 legionerlə yollarını ayırıb. Komanda daha əvvəl Camal Brentli və DeAncelo Stüartı heyətinə qatıb.