Kişi basketbolçulardan ibarət millimiz dünya çempionatının seçmə mərhələsində növbəti oyununa çıxıb.

Prosport.Az xəbər verir ki, Tahir Baxşıyevin baş məşqçisi olduğu kollektiv səfərdə autsayder İrlandiya ilə üz-üzə gəlib.

Dublin şəhərindəki Milli Basketbol Arenasında təşkil olunan qarşılaşma ev sahiblərinin 91:67 hesablı qələbəsi ilə yekunlaşıb.

3 qarşılaşmadan sonra yığmamızın 4 xalı var. Komandamız növbəti oyununu 3 gün sonra Bakı İdman Sarayında lider İsveçrəyə qarşı keçirəcək. Həmin matç saat 14:00-da başlayacaq.

10:00

Kişi basketbolçulardan ibarət Azərbaycan millisi dünya çempionatının seçmə mərhələsində bu gün növbəti oyununu keçirəcək.

Prosport.Az xəbər verir ki, Tahir Baxşıyevin baş məşqçisi olduğu kollektiv səfərdə İrlandiya ilə üz-üzə gələcək.

Dublin şəhərindəki Milli Basketbol Arenasında təşkil olunacaq qarşılaşma Bakı vaxtı ilə saat 21:00-da start götürəcək.

İki qarşılaşmadan sonra yığmamız 3 xalla 2-ci pillədə qərarlaşıb. Lider İsveçrənin 4, 3-cü yerdəki Kosovonun 3, İrlandiyanın isə 2 xalı var.