Azərbaycan Basketbol Liqasında (ABL) IV turun oyun təqvimi qismən bəlli olub.

Prosport.Az xəbər verir ki, millilərin oyunları ilə bağlı verilən fasilə noyabrın 26-da başa çatacaq.

Çünki 26 noyabr - 1 dekabr tarixləri arasında IV turun oyunları keçiriləcək. Bu günlər ərzində Abşeron Olimpiya İdman Kompleksində "Abşeron" "Naxçıvan"ı, "Sərhədçi" İdman Mərkəzində "Sabah" NTD-ni, "Sərhədçi" "Neftçi"ni, Lənkəran Olimpiya İdman Kompleksində "Lənkəran" "Ordu"nu, Quba Olimpiya İdman Kompleksində "Quba" "Sumqayıt"ı və Gəncə İdman Sarayında "Gəncə" "Şəki"ni qəbul edəcək. Qubada bu mövsümün ilk oyunu məhz bu tura təsadüf edəcək. 

Qeyd edək ki, qarşıdakı həftələrdə televiziyada yayımlanacaq oyunlar müəyyənləşdikdən sonra bütün görüşlərin dəqiq günü və saatı da bəlli olacaq.