Bu gün futbol üzrə Misli Premyer Liqasının XIII turunda "Qarabağ" "Zirə"ni qəbul edəcək.

Prosport.Az xəbər verir ki, matç Tofiq Bəhramov adına Respublika stadionunda təşkil olunacaq.

Qarşılaşma saat 19:00-da start götürəcək. Rəqiblərindən 1 oyun az keçirmiş "köhlən atlar" 28 xalla liderdir. "Qartallar" isə 20 xalla 4-cü sıradadır.

Günün ilk görüşündə "Araz-Naxçıvan" "Sumqayıt"ı sınağa çəkəcək. Bu qarşılaşma saat 16:00-da başlayacaq. Naxçıvan klubu 27 xalla 2-ci, "gənclik şəhəri" təmsilçisi 13 xalla 7-ci yerdədir.

Misli Premyer Liqası
XIII tur
Bu gün 

16:00 “Araz-Naxçıvan” – “Sumqayıt”
Hakimlər: Kamal Umudlu, Vüsal Məmmədov, Teymur Teymurov, Əli Əliyev
VAR: Nicat İsmayıllı
AVAR: Şirmamed Mamedov
Hakim-inspektor: Feyzulla Feyzullayev
AFFA nümayəndəsi: Zaur Hacı-Məhərrəmov
Bakı. "Liv Bona Dea Arena"

19:00 “Qarabağ” – “Zirə”
Hakimlər: Fərid Hacıyev, Zöhrab Abbasov, Rəhman İmami, Kamran Əliyev
VAR: Tural Qurbanov
AVAR: Müslüm Əliyev
Hakim-inspektor: Ömər Paşayev
AFFA nümayəndəsi: Anar Şixəliyev
Tofiq Bəhramov adına Respublika stadionu

Qeyd edək ki, turun əvvəlki oyunlarında 3 bərabərlik qeydə alınıb. "Neftçi" "Şamaxı" ilə (2:2), "Səbail" "Turan Tovuz"la (1:1), "Sabah" isə "Kəpəz"lə (2:2) heç-heçə edib.