"Qarabağ" dünya klublarının reytinq siyasında daha 12 pillə geriləyib.

Prosport.Az xəbər verir ki, bu barədə Beynəlxalq Futbol Tarixi və Statistikaları Federasiyası (IFFHS) rəsmi saytında məlumat yayıb.

Azərbaycan çempionu 507 komandanın olduğu cədvəldə 167,25 xalla 72-ci yerdə qərarlaşıb. Ağdam təmsilçisi oktyabrda 8 pillə geriləmişdi.

18 pillə geriləyən "Zirə" (94,25 xal) 219-cudur. 12 sıra aşağı düşən "Sabah" (59,50 xal) isə 423-cü ola bilib.

Qeyd edək ki, siyahıya 414 xalla İspaniyanın "Real" klubu başçılıq edir.

Xatırladaq ki, "Qarabağ" son qələbəsinə baxmayaraq, UEFA-nın reytinqində də geriləyib. Komanda orada 3 pillə geri düşərək 61-cidir.