Monteneqronun qadın futbolçulardan ibarət milli komandasının baş məşqçisi Mirko Mariç Millətlər Liqasının yeni mövsümündə. Azərbaycan və Litva yığmaları ilə eyni qrupa düşmənlərinə münasibət bildirib.

Prosport.Az xəbər verir ki, federasiyanın rəsmi saytına danışan monteneqrolu mütəxəssis millimiz haqda bunları deyib:

“Millətlər Liqasının əvvəlki mövsümündə 2 dəfə bizi məğlub edən (0:1, 0:3) Azərbaycanla yenidən eyni qrupa düşdük. Onlar həqiqətən yaxşı komandadır. Hazırda Litva bizim üçün naməlum rəqibdir. Amma şübhəsiz ki, bu, hər komandanın qalib gələ biləcəyi bərabər qrupdur. Dörd komandadan ibarət qrupda olsaydı, daha yaxşı olardı. Ancaq məqsədimiz həmişə eynidir: hər matçda əlimizdən gələnin ən yaxşısını etmək”.

Qeyd edək ki, komandalar C Liqasının 4-cü qrupunda mübarizə aparacaq.