Azərbaycan Basketbol Liqasının III turunda "Abşeron" evdə son çempion və A qrupunda turnir cədvəlinin lideri "Sabah"a uduzub.

Prosport.Az xəbər verir ki, ilk dəfə Abşeron Olimpiya İdman Kompleksində gerçəkləşən oyun qonaqların 75:59 hesablı qələbəsi ilə yekunlaşıb.

Turun bu gün keçirilmiş digər matçında "Şəki" evdə "Sumqayıt"a rekord hesabla qalib gəlib – 101:61.

Qeyd edək ki, əvvəlki oyunlarda "Naxçıvan" "Sərhədçi"ni (83:66), NTD "Neftçi"ni (66:63) məğlub edib. "Gəncə" "Ordu"dan üstün olub – 82:61. "Lənkəran" isə "Quba" üzərində qələbə qazanıb – 86:81.