UEFA Avropa Liqasının əsas mərhələsində Türkiyənin “Beşiktaş” və İsrailin “Makkabi” (Təl-Əviv) klubları arasında V tur oyunu Bakıda keçirilə bilər.

Prosport.Az xəbər verir ki, Təl-Əviv təmsilçisinin matçın Azərbaycanda oynanılmasını istədiyi iddia olunur.

Noyabrın 28-də təşkil olunacaq qarşılaşma Bakı vaxtı ilə saat 21:45-də start götürəcək. Düşünülür ki, Azərbaycan hər iki dövlət üçün qardaş ölkə statusundadır. Bu səbəbdən də Bakı variantı daha real görünür.

Qeyd edək ki, UEFA bu oyunun Türkiyə və İsrail arasında siyasi münasibətlərin pis olmasına görə neytral meydanda keçirilməsinə qərar verib.