Xorvatiya mətbuatı ötən yay “Dinamo”dan "Nürnberq"ə keçən Mahir Emrelinin çıxışından yazıb.

Prosport.Az xəbər verir ki, “Sportske novosti” nəşri millimizin forvardının Almaniya klubundakı uğurlu performansı barədə bunları qeyd edib: 

"Ardıcıl 4-cü matçda Almaniyada qol vuran “Dinamo”nun keçmiş hücumçusu fantastik formadadır. O, 2-ci Bundesliqanın XI turunun "Hamburq"la matçında da (1:1) fərqlənməyi bacardı. Bununla da əla çıxışını davam etdirdi. O bundan öncə ölkə kubokunda "Hofenhaym"la, çempionatda isə "Reqensburq" və "Qröyter Fürt"lə oyunlarda qol vurmuşdu".

Qeyd edək ki, Mahir Emreli yayda "Nürnberq"lə 1 illik müqavilə imzalayıb.