"Qarabağ"ın UEFA Avropa Liqasının Liqa mərhələsindəki rəqiblərindən olan “Budö/Qlimt” Norveç çempionatında XXVII tur oyununa çıxıb.

Prosport.Az xəbər verir ki, komanda səfərdə “Molde” ilə qarşılaşıb. Matçda 6 qol vurulsa da, qalib müəyyənləşməyib – 3:3.

"Budö/Qlimt"in heyətində Ulrik Saltnes və Frederik Byorkan fərqlənib, 3-cü qol isə avtoqoldan vurulub.

Hazırda turnir cədvəlində "Budö/Qlimt" 55 xalla liderdir. 48 xala malik "Molde" isə 4-cü yeri tutur.

Qeyd edək ki, noyabrın 7-də "Aspmira" stadionunda keçiriləcək "Budö/Qlimt – "Qarabağ" oyunu Bakı vaxtı ilə saat 21:45-də start götürəcək.