"Gəncə" cari mövsüm Azərbaycan Basketbol Liqasında ardıcıl 3-cü qələbəsini qazanıb.

Prosport.Az xəbər verir ki, Halil Atlının baş məşqçisi olduğu kollektiv III turda lider "Ordu" ilə üz-üzə gəlib.

Qarşılaşma bölgə təmsilçisinin qalibiyyəti ilə yekunlaşıb – 82:61.

"Gəncə" ilk turda "Lənkəran"ı (90:75), II turda "Quba"nı (90:62) məğlub edib. Hazırda "Gəncə" 6 xalla liderliyi ələ keçirib. "Ordu"nun isə 5 xalı var.

Qeyd edək ki, günün digər qarşılaşmasında "Quba" "Lənkəran"la qarşılaşacaq. Əvvəlki oyunlarda "Naxçıvan" "Sərhədçi"ni (83:66), NTD "Neftçi"ni (66:63) məğlub edib. Tura noyabrın 3-də iki matçla yekun vurulacaq.