"Araz-Naxçıvan" Misli Premyer Liqasının XII turunda səfərdə "Neftçi"yə 1:0 hesabı ilə qalib gəlib.

Prosport.Az xəbər verir ki, muxtar respublika təmsilçisinin qələbə qolunun müəllifi Felipe Santos sosial şəbəkə hesabında paylaşım edib. Braziliyalı hücumçu qolların davamının gələcəyini bildirib:

"Komandama 1 qolla kömək etdiyim üçün çox şadam. Vacib qələbə qazandıq, hər kəsi təbrik edirəm. Məhsuldar ötürmə üçün Ramon Maşaduya minnətdaram. 6 oyunda 6 qol vurmuşam və düşünürəm ki, ardı gələcək".