"Komandamla fəxr edirəm".

Prosport.Az xəbər verir ki, bunu "Nünberq" klubunda çıxış edən Azərbaycan millisinin futbolçusu Mahir Emreli şəxsi instaqram səhifəsində yazıb.

Səfərdə "Hofnhaym"a ötən gün uduzduqları (1:2) Almaniya Kubokunun 1/16 final matçında fərqlənən 27 yaşlı hücumçu möhtəşəm dəstəyə görə azarkeşlərə təşəkkür edib:

"Dünən baş verənlər haqqında çox danışa bilərik. Amma bu bizi heç yerə aparmayacaq. Final fitinədək hər şeyi etdik. Uğur qazanmaq üçün çox çalışacağıq".

Qeyd edək ki, Mahir Emreli “Nünberq” ilə "1+1" illik müqavilə imzalayıb. Forvard 2-ci Bundesliqada keçirdikləri son 2 qarşılaşmada qol vurub. Forvard IX turda "Qroyter Fürt"ə qalib gəldikləri (4:0) matçda hesabı açıb. O, autsayder "Yan" komandasını 8:2 hesabı ilə üstələdikləri görüşdə isə 2-ci qolun müəllifi olub.