"Araz-Naxçıvan" Azərbaycan Kubokunun II təsnifat mərhələsində ötən mövsüm II Liqanın bürünc medallarını qazanmış “Şahdağ Qusar"ı 4:0 hesabı ilə məğlub edib.

Prosport.Az xəbər verir ki, Premyer Liqa təmsilçisinin baş məşqçisi Elmar Baxşıyev matçdan sonra açıqlama verib:

“Bu dəfə Premyer Liqa oyunlarında az və ya heç şans vermədiyimiz futbolçularla meydana çıxdıq. Çünki qarşıda sıx oyun qrafikimiz var. 10 gün ərzində 3 çempionat matçı keçirməliyik. Buna görə də ehtiyat qüvvədən maksimum istifadə etməyə çalışdıq. Onlar da ümidləri doğrultdu. Həm oyun planında verdiyimiz tapşırıqları yerinə yetirməyə çalışdılar, həm də komandanı qarşıya qoyulan məqsədə doğru apardılar. Buna görə futbolçuları təbrik edirəm. 

Rəqibimiz də hesaba baxmayaraq, sona qədər mübarizə apardı. Elnur Abdullayevi də yaxşı komanda formalaşdırdığına görə təbrik edirik. Onlara qarşıdakı oyunlarda uğurlar arzulayırıq”.