Azərbaycan Kubokunda "Turan Tovuz" “Haypers Quba”ya böyük hesabla qalib gəlib.

Prosport.Az xəbər verir ki, Tovuz şəhər stadionunda baş tutan II təsnifat mərhələsinin oyununda ev sahibləri 7:2 hesablı qələbəyə sevinib.

15-ci dəqiqədə “Haypers Quba”nın heyətində Ramil Əhmədov avtoqol müəllifi olub. "Turan Tovuz"un aktivinə digər qolları Ayxan Hüseynov (17,25), Aleks Souza (38,39), Sadiq Quliyev (56) və Nahid Əliyev (60) yazdırıb.

Qonaq komandanın heyətində isə İlqar Ələkbərov (64, 68) dubl müəllifi olub.

Qeyd edək ki, "Turan Tovuz"un 1/8 finaldakı rəqibi "Sabah" olacaq.