Misli Premyer Liqasında XI turun daha bir oyunu keçirilib.

Prosport.Az xəbər verir ki, "Araz-Naxçıvan" "Liv Bona Dea Arena"da "Zirə"ni qəbul edib. Görüş 1:1 hesabı ilə başa çatıb.

Qarşılaşmada ilk qolu 31-ci dəqiqədə qonaqlar vurublar. Paytaxt klubunun heyətində Georgi Papunaşvili adını tabloya yazdırıb. Yekun nəticəni isə final fitinə 1 dəqiqə qalmış penalti zərbəsini dəqiq yerinə yetirən Felipe Santos müəyyənləşdirib.

Bu nəticədən sonra "Araz-Naxçıvan" xallarının sayını 21-ə (3-cü yer), "Zirə" isə 17-yə (4-cü yer) çatdırıb.

Günün digər matçı isə "Səbail" və "Sumqayıt" komandaları arasında olacaq. "ASCO Arena"da keçiriləcək oyunun start fiti saat 18:30-da səslənəcək.

Tura sabah keçiriləcək 2 görüşlə yekun vurulacaq.