"Sabah"ın basketbol komandası FIBA Avropa Kubokunda növbəti məğlubiyyətini alıb.

Prosport.Az xəbər verir ki, Rimas Kurtinaytisin rəhbərlik etdiyi kollektiv İsveçin "Norşopinq Dolfins" klubunu qəbul edib.

Bakı İdman Sarayında reallaşan görüş rəqibin 74:70 hesablı qələbəsi ilə başa çatıb.

Xatırladaq ki, bu, tərəflərin cari mövsüm 2-ci görüşü idi. Antalyada keçirilmiş Çempionlar Liqasının təsnifat mərhələsində də İsveç klubu Azərbaycan çempionunu 4 xallıq fərqlə məğlub etmişdi – 75:71. 

Qeyd edək ki, "Sabah" daha əvvəl G qrupunda "Spiru"ya (Belçika) səfərdə 81:82, "Marussi"yə (Yunanıstan) isə doğma meydanda 70:82 hesabı ilə məğlub olub. Komandamız 3 xalla qrupda sonuncudur.