"Sabah"ın basketbolçulardan ibarət komandası bu gün FIBA Avropa Kubokunda 2-ci dəfə uduzub.

Prosport.Az xəbər verir ki, G qrupunda yer alan Rimas Kurtinaytisin rəhbərlik etdiyi kollektiv II turda Yunanıstan təmsilçisi "Marussi" ilə üz-üzə gəlib.

Bakı İdman Sarayında keçirilən qarşılaşma rəqibin 82:70 hesablı qələbəsi ilə başa çatıb. Qrupun digər oyununda Belçikanın "Spiru" komandası İsveçdə yerli "Nörşöpinq Dolfins"ə 97:85 hesabı ilə qalib gəlib. 

Qeyd edək ki, Azərbaycan təmsilçisi ilk turda səfərdə Belçikanın Şarlerua şəhərində "Spiru"ya 81:82 hesabı ilə məğlub olub. Hazırda "Sabah" 2 xalla qrupda 3-cü sıradadır. "Bayquşlar" oktyabrın 23-də artıq bu mövsüm FIBA Çempionlar Liqasında qarşılaşıb uduzduğu İsveçin "Norşöpinq Dolfins" komandasını qəbul edəcək.

11:00

“Sabah” basketbol klubu bu gün FIBA Avropa Kubokunda növbəti oyununu keçirəcək.

Prosport.Az xəbər verir ki, Rimas Kurtinaytisin başçılıq etdiyi komanda Bakıda Yunanıstanın “Marussi” kollektivini sınağa çəkəcək.

Bakı İdman Sarayında oynanılacaq qarşılaşma saat 19:00-da başlayacaq.

Qeyd edək ki, “Sabah” ilk turda Belçikada yerli “Spiru” komandasına 81:82 hesabı ilə məğlub olub.